93 ka mga drug personalities, nadakpan sa Oplan Double Barrel Reloaded sa kapolisan

Miabot sa 93 ka mga drug personalities ang nasikop sa kapolisan sukad gilusad pagbalik ang anti-drugs campaign nga Oplan Double Barrel Reloaded.
Kini ang gipahibalo sa mga kadagkoan sa Cagayan de Oro City Police Office kon COCPO, atol sa ilang panagtigom tali sa Development and Security Council nga gidumala ni Mayor Oscar Moreno isip chairman.
Nasayran nga miabot sa 80 ka mga drug pusher ug trese ka drug users ang nasikop sa kapolisan human gipahigayon pagbalik ang maong programa sa gobyerno niadtong Desyembre sa miaging tuig.