South Cotabato—Mokabat sa 939 ka mga informal workers sa upat ka mga munisipyo sa probinsya sa South Cotabato nga labing naapektuhan sa COVID-19 pandemic ang nakabatn ug ayuda gikan sa Department of Labor and Employment kon DOLE 12.
Sa kinatibuk-an mokabat sa P 4,695,000.00 ang narelease ilawom sa Tulong Panghanapbuhay sa Ating Disadvantaged/Displaced workers (TUPAD) program ilawom sa BAYANIHAN II.
Gipangunahan mismo ni DOLE 12 Regional Director Raymundo Agravante ug ARD/Head of DOLE-South Cotabato Field Office Arlene Bisnon ang turn-over sa tseke sa mga munisipalidad sa Tantangan, Banga, Surallah ug Lake Sebu.
Sa maong ayuda anaa sa 189 vulnerable workers ang nakabenepisyo sa lungsod sa Tantangan nga may alokasyon nga P 945,000.00; 281 workers sa Banga nga may P1,405,000.00 nga pondo , sa lungsod sa Surallah may 281 ka mga benepisyaryo ug anaa sa P 1,405,000.00 ang pondo samtang sa Lake Sebu may P940,000.00 nga alokasyon alang sa 188 ka mga trabahante.
Ilawom sa BAYANIHAN II-TUPAD program, ang benepisyaryo ang magpahigayon ug 14 ka adlaw nga community work period diin makabaton sila ug tig P 5,000.00 cash aid.
Ang implementasyon sa maong emergency employment program ang subay sa tabang sa Local Government Units ug Barangay Government Units sa New Cuyapo (Tantangan), Liwanay (Banga), Canahay (Surallah), Lamcade (Lake Sebu), ug 2nd district Congressman Ferdinand Hernandez isip DOLE Accredited Co-Partners.
credit to DOLE 12
