Yara na karon nahamyang sa Police Regional Office 6 sa Campo Delgado ang bangkay ni Police Captain Efren Espanto Jr.
Gindala subong nga gab-i (Feb. 14) sa Campo Delgado ang bangkay ni Espanto kag ginhatagan sang arrival honors kag ginsundan sang Santos nga Misa.
Pagkatapos naghiwat sang vigil ang kapulisan kag buwas nga adlaw, hiwaton man ang necrological service para sa nasambit nga opisyal.
Buwas sa hapon, maga-abot sa Iloilo si PNP Chief Police General Archie Gamboa para sa paghatag sang Posthumous award kay Espanto kag pag-unong sa pamilya sini.
Ginpahayag ni Police Lt. Col. Joem Malong, spokesperson sang PRO-6 nga sa Domingo, pagadal-on na sa Bacolod ang bangkay ni Espanto agud ihamyang sa puluy-an sini antis idul-ong sa katapusan nga palahuwayan.
Si Captain Espanto ang napatay sa engkuwentrro batuk sa mga rebelde nga NPA sang nakaligad nga miyerkules.
