Masobra P400, 000 ang kabug-usan nga pondo nga ginrelease sang Technical Education and Skills Development Authority ukon TESDA 12 para sa allowance sang mga benepisyaryo nga nagpaidalom sa mga nagkalain-lain nga mga programa sang ahensya sa PTC-Lambayong, Sultan Kudarat.
Sa datos 22 ka mga iskolar ang nagkuha sang Organic Agriculture Production, 23 ang nagkuha sang Electrical Installation and Maintenance, 25 ang nagkuha sang Photovoltaic System Installation, kag 25 ang sa Agri Crop Production.
Lakip sa nabaton sang mga iskolar ang Personal Protective Equipment kag load agud magamit sa online class samtang nagakuha sang TekBok.
Tungod sa pandemya may mga bag-o nga pamaagi ang TESDA sa pagtudlo sa mga programa agud malikawan ang paglapta sang COVID-19.
Sa pihak sang pandemya padayon ang mga scholarship sang TESDA Dose sa mga nagkalain-lain nga probinsya sa rehiyon.
Subong nga tuig 2021 yara sa P7, 959,589.82 ang nahatag sang TESDA Sultan Kudarat sa mga benepisyaryo sini.
