Datu Paglas, Maguindanao—Gihatagan na ug ayuda sa Department of Social Welfare and Development Office (DSWD)-12 pinaagi sa inisyatibo sa Office of the President ang mga residente sa Datu Paglas, Maguindanao nga apektado sa pagsarado sa banana plantation.
Matud ni DSWD 12 regional director Cezario Joel Espejo anaa sa 970 ka mga residente ang nakadawat ug family food packs sa maong lugar.
Pahayag ni RD Espejo ang namong interbensyon sa DSWD ang kabahin sa Technical Assistance and Resource Augmentation (TARA) sa ahensya nga may mandato nga tabangan ang LGUs sa paghatag ug pagkaon ug uban pang panginahanglan sa mga residente panahon sa emerhensya.
Matud usab ni DSWD 12 disaster response management division chief Jackiya Lao nga may koordinasyon sa LGU Datu Paglas ang distribusyon sa maong mga foodpacks.
credit DSWD 12
