Naghatag sang ayuda ang Department of Social Welfare and Development Office ukon DSWD 12 paagi sa inisyatibo sang Office of the President sa mga residente sang Datu Paglas, Maguindanao nga apektado sang pagsarado sang banana plantation.
Suno kay DSWD 12 regional director Cezario Joel Espejo yara sa 970 ka mga residente ang nakabaton sang family food packs sa nasambit nga lugar.
Pahayag ni RD Espejo ang nasambit nga interbensyon sang DSWD ang kabahin sang Technical Assistance and Resource Augmentation (TARA) sang ahensya nga may mandato nga buligan ang LGUs sa paghatag sang pagkaon kag iban pa nga kinahanglanon sang mga residente sini sa panahon sang emerhensya.
Dugang naman ni DSWD 12 disaster response management division chief Jackiya Lao nga may koordinasyon sa LGU Datu Paglas ang distribusyon sang foodpacks.
