Davao City – Makonsidera sumala pa “doable” kun kaya nga mabuhat ang saad ni Davao City Mayor Sara Duterte-Carpio labi na kadtong mga himuon pa nga mga dagkong proyekto alang sa syudad sa Davao nga iyang gihisgutan atol sa ika-pito niining State of the City Address (SOCA).
Sa interbyu sa DXDC RMN Davao kang Arnold Abejaron, usa ka law professor, gibutyag niini nga sa iyang tan-aw mabuhat kini nga mga proyekto diin aduna usay mga mi-commit nga mutabang aron magmalamuson ang maong mga proyekto.
“It’s still doable because kana siya, naa namay nagasulti nga naa man gyoy funding nga ihatag gikan sa institusyon. Naa gyoy ingon ana nga mga commitment,” saysay ni Abejaron.
Segun ni Abejaron nga makita ang pagka positibo sa alkalde nga iya kining matuman sa nahibiling katuigan sa iyang termino.
“Wala pa man pud nag end iyang term. As what I understand, she’s hoping it will happen during her term,” tataw ni Abejaron.
Nasayran nga sa SOCA sa mayor, nanawagan kini sa National Economic and Development Authority (NEDA) nga mapadali ang proseso sa maong dagkong proyekto diin nasubmitar na sa Davao ang mga papeles niini sa central office.
RadyoMaN Kirby Manzon
