Malaybalay City, Bukidnon – Nagpasalamat si Atty. Clarence Paul Oaminal human pormal nang gideklara ni Pangulong Rodrigo Duterte ang Communist Party of the Philippines – New People’s Army (CPP-NPA) isip teroristang organisasyon.
Sa interview sa RMN Malaybalay ngadto kang Atty. Oaminal, author sa libro nga Human Security Act Of 2007 (A Manual for the Defenders of Humanity) gibutyag niini nga human sa nakalabay nga duha ka pangulo sa Pilipinas karon pa gideklara ang mga NPA isip terorista.
Matud niini nga adunay balaod nga Republic Act 9372 nga gikan sa Estado Unidos ug gipasar sa Pilipinas tungod kay niadtong panahona ang nasud lang ang walay balaod batok sa terorismo.
Gibutyag ni Oaminal nga kinahanglan nga ang Department of Justice mupasaka ug petisyon ngadto sa regional trial court.
Mipahimangno usab kini sa mga sakop sa Anti-Terrorism Council sa Department of Justice nga sundon ang kamanduan sa anti-terrorism law sa nasud.
Sigun niya nga ang anti-terrorism council maoy gitahasan sa pagprotekta sa nasud gikan sa terorismo.
Giklaro niini nga ang hukmanan lamang ang bugtong maka-deklarar sa usa ka organisasyon o kahugpungan nga terorista.
Nanawagan usab si Atty. Oaminal sa katawhan nga mangilabot ug suportahan ang pangulo sa mao nga proklamasyon dungan sa sugyot ngadto sa mga local government unit nga pangandaman ang posibleng epekto niini.
