Davao City – Lauman nga adunay masinatiang problema sa pagsugod sa klase karong adlawa, October 5, 2020 sama sa pagpatuman sa new blended learning.
Sumala ni Davao City 1st District Councilor Pilar Braga, Chairperson sa Committee on Education sa konseho sa syudad, kaniadto pa unta nagpahigayon na sila og pilot test aron makita niini ang mga problema sa field.
Alayon niini nanawagan usab si Braga sa mga magtutudlo nga ayuhon ang ilang module distribution tungod kay daghan siyang nadawat nga reklamo kay sobra ra ang ilang mga activities sa work book.
Hinoon giklaro ni Braga, dili gyud malikayan nga dunay masinatiang problema ilabina nga unang higayon kining gihimo nga pamaagi sa pagtudlo tungod sa pandemya.
Hangyo usab niya nga magtinabangay na lang.
RadyoMaN Bernard Pantallon
