Davao City- Angay sumala pang respetuhon ang desisyon ni Presidente Rodrigo Duterte sa pagbutang ni vice president Leni Robredo isip anti-drug czar o co-chairperson sa Inter-Agency Committee on Anti-Illegal Drugs (ICAD).
Sa interbyu sa DXDC RMN Davao kang Davao City 1st district councilor Mabel Sunga Acosta nga nagsilbi usab nga chairperson sa committee on peace and order sa konseho, gibutyag niini nga posibleng adunay nakita ang presidente nga maka contribute ang bise presidente inay nga magsige og panghinaway sa pamaagi ni presidente Duterte labot sa drug war.
“Siguro naay nakita si President Duterte nga avenue para maka contribute ang vice president kaysa mag sige siya’g criticize maayo pag mutabang siya sa effort sa drug abuse o drug war,” saysay ni Acosta.
Nanghinaut usab si Acosta nga adunay mahitabong panaghiusa sa oposisyon ug sa kasamtangang administrasyon.
Kahinumduman nga maisogong gidawat ni Robredo ang maong tahas diin dako sumala pang hagit alang kaniya ang pagdawat sa maong responsibilidad.
RadyoMaN Kirby Manzon
