Acting City Mayor Jose Espinosa III blangko ang reaksyon sa perpetual disqualification ni Mabilog

ILOILO CITY – Nagpamalibad na nga magkumento si Acting City Mayor Jose Espinosa III sa perpetual disqualification ni mayor Jed Patrick Mabilog.

Suno kay Espinosa wala sya sang nabaton nga dokumento angut sa desisyon sa kaso ni Mabilog gani indi na sya magkumento.

Sang ginpamangkot kun ano ang iya balatyagon bilang kaalyado ni Mabilog nagsabat lamang sya nga wala sya sang feelings bangud wala sya nakahibalo.

Si Espinosa karon ang nagapungko bilang alkalde bangud on leave si Mabilog.

Gindismiss sa serbisyo si mabilog bangud sang indi mapaathag nga source sang iya income nga napagkit sa iya Statement of Assets, Liabilities and Net worth ukon SALN.