Gitahasan ni Cagayan de Oro City Police Office o COCPO Director Col. Henry Dampal ang hepe sa kapolisan sa station 7 sa Barangay Bulua nga maglunsad sa active surveillance ug pagpalig-on sa ilang contact tracing silbing tipik sa ilang suporta sa administrasyon ni Mayor Oscar Moreno sa kampanya batok sa Corona Virus Disease o COVID-19.
Ang mando ni Dampal human gikumpirmar sa mga health officials nga dunay usa lalaking taga Agusan del Sur nga natakdan ug nag positibo sa Covid-19.
Lakip sa gimando ni Dampal nga kinahanglan isigurong mapalig-on ang contact tracing sa Zone 12 barangay Bulua kon diin ang maong biktimang covid positive nga taga Agusan del Sur nagpuyo sa pipila ka bulan sa dihang unang gipatuman ang General Community Quarantine ning syudad.
Matud ni Major Ivan Viñas, Spokesperson sa COCPO nga ingon usab niini ang gusto ni Dampal sa Sityo Macanhan, Barangay Carmen nga duna usay nagpositibo sa Corona virus.
-o0o-
