Bilang pag-alala sa Araw ng Kagitingan, nagsagawa ng malawakang clean-up drive ang mga personnel ng Urdaneta District Jail – Female Dormitory sa kahabaan ng Macalong River, Brgy. San Vicente, Urdaneta City, bilang bahagi ng Adopt-An-Estero Program.
Sa aktibidad, nagtipon ang mga kawani upang mangolekta ng mga sako ng non-biodegradable waste gaya ng plastic, bote, at iba pang basura, habang sinisigurado rin ang kalinisan at kaayusan ng mga drainage at kanal sa paligid. Binantayan at inalagaan din ang mga naunang tanim na seedlings, kabilang ang mga punla ng ornamental plants at native trees, upang mas mapalago ang luntiang kapaligiran at maprotektahan ang biodiversity sa lugar.
Bukod sa pangangalaga ng kapaligiran, ipinakita ng mga personnel ang diwa ng unity, disiplina, at shared responsibility, na mahalaga sa pagpapaigting ng community engagement at pagpapalakas ng kamalayan sa pangangalaga ng kalikasan.
Ayon sa tanggapan, ang clean-up drive ay sumasalamin sa tunay na kagitingan—hindi lamang bilang paggunita sa mga bayani ng nakaraan kundi bilang konkretong aksyon para sa kalusugan, kaligtasan, at kapakanan ng komunidad, pati na rin sa pagbuo ng sustainable at maayos na kapaligiran para sa susunod na henerasyon. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
