Manila, Philippines – Naghahanap ang Philippine Drug Enforcement Agency o PDEA ng mga maaaring mag-ampon ng mga tinaguriang “hero dogs.”
Sa pamamagitan ng social media, ipinakita ng PDEA sina Icon, Ivy, Jose, Kerry, King, Snoopy at iba pang aso na “ready for adoption.”
Ayon sa PDEA, ito ang unang pagkakataon na magpapa-ampon sila ng “narcotic detection dogs” na naging kasama nila sa kanilang mga operasyon.
Maaaring makipag-ugnayan sa PDEA ang mga taong interesadong mag-ampon ng hero dogs.
Itinakda naman ng PDEA sa August 17, 2018 ang “adoption day for narcotic detection dogs” na bukas sa publiko sa PDEA K-9 unit, Sitio Lambakin, Barangay Sto.Cristo, City of San Jose del Monte, Bulacan.
Magdala lamang accomplished adoption forms kung gustong mag-ampon ng aso.
