Handa na ang Advance Transport Management System sang syudad.
Suno kay Public Safety and Transportation Management Office head Mr. Jeck Conlu, ang ATMS kaangay sang Intelligent Transport System nga una na ginplano ni anay Mayor Jed Patrick Mabilog.
Apang ginpahayag ni Conlu magasakop na ini sang bug-os nga syudad nga magaumpisa sa City Proper, Mandurriao, Molo, Jaro kag La Paz.
Ang ATMS isa ka advance nga teknolohiya sa transportation kag traffic management.
Paagi sa ATMS wala na sang contact apprehension bangud ang violation direkta nga magakadto sa LTO kag maalarma sa ti-on sang renewal sang lisensya.
May kapasidad man ini nga magmonitor sang mga insidente kaangay sang trapiko, sunog kag ano man nga krimen kag makadeploy gilayon sang mga responders.
Plano na ni Conlu nga i-submit kay Mayor Jose Espinosa III ang plano kag ipresentar sa City Council paagi sa transportation committee.
