Nipadayag sa ilang pahasubo ang Armed Forces of the Philippines Central Command nga nagbase sa dakbayan sa Sugbu ngadto sa pamilya sa mga nakalas ug na-angol nga pulis atol sa misencounter nga nahitado didto sa Samar kagahapon .
Ang tigpamaba sa AFP Centcom nga si Colonel Medel Aguilar namahayag nga nagpadayon ang imbistigasyon labot sa maong hitabo aron masayran kung unsay hinungdan sa misencounter ug aron malikayan nga masubli pa ang dugoong hitabo .
Unom ka pulis ang namatay samtang siyam ang na-angol sa mga sakop sa 805th Company sa Regional Mobile Force Batallion subay sa ingkuwentro nga nahitabo tali sa mga miyembro sa 87th Infantry Batallion.
Pulos sila nipahigayon ug combat operations sa Sta Rita , subay sa nadawat nga taho labot sa giingong presensiya sa armadong grupo nga gitohoang sakop sa New People`s Ar,y (NPA).
Ang unom nga nakalas mao sila si Police Officer (PO) 1 Phil J Rey Mendigo, PO1 Edwin P. Ebrado, PO1 Wyndell S. Noromor, PO1 Rowel Reyes, PO1 Julie Y. Escalo, and PO1 Julius R. Suarez.
