Mipalag ug gikondinar sa grupong KADAMAY sa Northern Mindanao Region sa ilang pagtoo nga nag-red tagging na usab ang Armed Forces of the Philippines kon AFP batok ni Neri Colmenares ang President sa grupong Bayan Muna kinsa Independent Candidate sa pagka senador sa umaabot nga eleksyon.
Matud ni KADAMAY Northern Mindanao Spokesman Francisco Pagayaman nga ang ilang opisina sa KADAMAY sa Barangay Camaman-an nga maoy political headquarter ni Colminares dinhi sa Region 10 ang gisabwagan ug mga flyers nga pulos pagpangdaot.
Kini nga pagsabwag sa maong mga flyers nahitabo niadtong gabi-e sa Marso 27.
Lakip sa mga polong nga nasulat sa maong mga flyers nabasa ni Pagayaman nga nag-ingon, “Mga Igso-on, atong kondinahon ang 50 ka tuig nga away nga walay honong, pagpamatay, pagpangsunog, pag-pangharas, sa mga berdogong Teroristang NPA” matud pa sa maong Flyers.
Matud ni Pagayaman nga ilang gidudahan nga ang mga sundalo sa gobyerno ang nagsabwag sa maong mga flyers .
“Kon dili man sundalo ang nagsabwag, basin dunay ilang mga sinugo” matud ni Pagayaman.
Gibutyag ni Pagayaman nga nabalaka sila sa maong red tagging sa safety sa ilang kaugalingon labi na sa kinabuhi ni Colmenares.
“Dilikado man gud nang red tagging kay moresulta man gud na sa Extra Judicial Killing” matud ni Pagayaman.
Matud ni Pagayaman nga ang mga flyers nga gisabwag sa AFP sa gate sa Headquarters ni Colmenares dakong violation sa Republic Act 9006 kon gitawag nga fair election act of the Philippines.
Sa iyang kabahin.
Gipanghimakak ni Army Captain Reggie Go nga Spokesman sa 4th Infantry Division Philippine Army ang pasangil ni Pagayaman.
Matud ni Go nga ang AFP, wala sukad maghimog red tagging batok sa mga grupo nga nakig away sa gobyerno.
“Una-unang, wala pa nako mabasa ang maong mga flyers malisod paghatag sa reaction, pero kon AFP ang ilang gidudahan, wala mi labot a-na” matud ni Go.
Gibutyag ni Go nga wala na sila matingala sa AFP nga sila ang kanunay dudahan sa mga progressive groups.
“Basta na-ay ingon ana nga hitabo, kami dayon ang ilang dudahan, wala na mi matingala ana, basta ang importante nga wala mi magsabwag ug mga flyers” matud ni Go.
