Bukidnon – Gikondena sa kasundaluhan ang New Peoples Army kon NPA nga migamit ug mipabuto sa improvised explosive device o IED ngadto sa tropa sa 1st Special Forces Battalion sa Brgy. Kitubo, Kitaotao, Bukidnon samtang paingon kini sa ilang kampo.
Kini human nagresulta sa kamatayon sa usa ka sundalo nga nailang si PFC Jonas Saluga ug laing 11 ang samdan human nga nibusikad ang gitanom nga IED sa mga rebelde.
Sa interview sa RMN Malaybalay ngadto kang Capt. Norman Tagros, spokesperson sa 403rd Peacemaker Brigade, Philippine Army gibutyag niini nga dili gayud kasaligan ang mga rebelde bisan pa ug signatory kini sa Comprehensive Agreement on Respect for Human Rights and International Humanitarian Law o *CARHRIL* kon balaud sa gubat.
Nakalatid matud pa sa usa ka probisyon didto na bawal nga mugamit ug landmine.
Nagpasabot matud pa kini nga kung signatory sa *CARHRIL*, na-uyonan nga dili mugamit ug landmine apan gikatingala nila kung nganong hangtod karon nagpadayon ang paggamit sa mga rebelde ug IED.
