Gipahayag sa 403rd Infantry Peacemaker Brigade, Philippine Army nga aduna nay kasamtangang gihimo silang mga lakang aron mabatukan ang insurhensiya.
Ang mao nga pamahayag sa AFO human sa direktiba ni Pangulong Rodrigo Duterte nga full-scale attack batok sa CPP-NPA.
Sa interview sa RMN Malaybalay ngadto kang BGen. Edgardo De Leon, ang commander sa 403rd Brigade, gibutyag niini nga tuloy-tuloy ang gihimo nilang military offensive dungan sa gihimong non-military approach nga nakalatid sa Executive Order 70 o Ending Local Communist and Armed Conflict (ELCAC) aron maundang na ang armed conflict sa nasud.
Matud sa heneral nga mamahimong wala nasinati o nabati sa komunidad ang ilang gihimong mga military operations tungod kay gihimo nila kini ngadto sa mga bukid o kalasangan na nga bahin.
Gipaniguro ni de Leon nga nagpadayon ang ilang mga combat operation ug sunod-sunod usab daw ang pagtahan sa mga miyembro sa New Peoples Army kon NPA ngadto sa sabakan sa gobyerno.
