Davao City – Walay ceasefire kon ‘Suspension of Military Operations’ (SOMO) nga ipatuman sa gobyerno atol sa ika-51 nga anibersaryo sa CPP-NPA-NDFP karong December 26.
Sa usaka presser, gibutyag ni 10th Infantry Division (ID) spokesperson Capt. Jerry Lamosao nga istratehiya lamang kini sa rebeldeng grupo aron maka organisa ug makapang-recruit og bag-ong mga miyembro.
“While naga istorya sila sa taas, naga recruit gihapon sila,” segun sa tigpamaba sa AFP.
Dugang ni Lamosao, abli gihapon ang militar nga modawat pagbalik sa sabakan sa balaud kutob sa komunistang buot motahan sa ilang kaugalingon aron makasugod og bag-ong kinabuhi.
Ning tuiga, mokabat na sa 3,000 ka mga NPA regular members mitahan ngadto sa mga tinugyanan sa balaud.
Panahon nga mausab ang huna-huna sa gobyerno, mamahimong epektibo ang temporary ceasefire sa CPP unilateral declaration alas 12:01 sa kaadlawon sa December 24 hangtod alas-11:59 sa gabii karong December 26 ingon man alas-12:01 sa kaadlawon sa December 31 hangtod alas-11:59 sa gabii sa January 1.
RadyoMaN Jason Amisola
