BACOLOD CITY, NEGROS OCCIDENTAL – Gin-kanselar na sang Philippine Coast Guard ang tanan nga biyahe sa Bacolod kag Negros Occidental bangud kay Tropical Depression Agaton.
Sumugod las 5:30 kaina sang aga, kanselado na ang mga biyahe sang fast craft nga may rota Bacolod – Iloilo vice versa.
Biyahe sang Roro halin Dumangas pakadto Bacolod vice versa, ginkanselar naman sang Coast Guard.
Ang mga pumpboats nga maga-halin Guimaras, Valladolid kag Pulupandan vice versa ang wala naman ginpahanugutan nga maka-biyahe.
Gin-cancel man sang PCG ang biyahe sang mga fast craft kag Roro nga San Carlos Toledo vice versa, subong man Roro Escalante – Cebu, pumpboat Cadiz City to Bantayan kag Victorias City pakadto Ajuy.
Bangud sini, madamo nga mga pasahero ang na-stranded sa mga pwerto nga magapauli kuntani sini nga adlaw sa Iloilo particular ang mga nagpadulong sa Bredco Port.
