Plano sang South Cotabato Provincial Government nga magtukod sang Agricultural Motorpool para butangan sang mga post harvest facilities kag machineries nga pagagamiton sang mga mangunguma nga luyag nga maghulam para sa ila sini uma.
Ini ang pahayag ni South Cotabato Provincial Agriculturist Dr. Raul Teves matapos makabaton ini sang masobra P7 milyon nga gamit sa uma halin sa Department of Agriculture Region 12.
Pagatukuron suno pa ang nasambit nga motorpool sa demo farm nga nahamtang sa banwa sang Banga, South Cotabato.
Katuyuan sini, suno kay Dr. Teves agud nga malikawan ang pagmaniubra sang mga Farmers Association nga ginaangkon na ang post harvest facilities kag machineries sa diin indi na makagamit ang iban sini bangud ginadala na sang isa ka tawo sa ila balay.
