Ubay ubay ang mihatag sa ilang sugyot ilabina na mga ginikanan nga kinahanglan na makabatun ang Agusan National High School ug mga extension campuses arun masulbad ang over crowded issue sa main campus. Nasuta nga nga misaka na sa 13,000 ang enrollees sa Agusan National High School kini sigun sa pahayag ni Dr. Gabor ang bag-ong principal sa Agusan National High School. Kahuot sa lobby panahon tinggwas sa klase, yagaw sa campus, suliran sa ventilation ang nasinati sulod sa campus. Adunay pipila ka classrooms nga temporary lamang ug guba pa ang mga lingkuranan. Alayun niini, bukas si City Councilor Atty. Glenn Carampatana, Chairman sa Committee on Education sa Sangguniang Panglungsod ning dakbayan sa Butuan sa proposal ug suhestyon nga posibleng maoy mahimong solusyon sa “overcrowded” nga Agusan National High School. Niya pa gawas sa proposal nga makabaton ug annexes kinahanglan sab nga “i-strengthen” ang unang mga public schools dinhi sa Butuan.
Una nang namahayag si Agusan National High School Assistant Principal nga Mario Orendain nga bukas siya sa suhestyon nga magbaton ANHS Annex. Og una na nilang gisugyot atol sa nahitabong execom ang pagbutang ug dugang school building o classroom sa luna sa Brgy. Doongan nga iya sa maong tunghaan.
Sent from my Samsung Galaxy smartphone.
