"AKI, IPINAKULONG KAN SADIRING AMA"

Dae huhunaon kan 61 anyos na si Joseph Palomar kan Brgy Abella ciudad nin Naga na maabot an panahon na an saiyang pig-aaling-aling kaidto asin pigpapadangat na aki an iyo man sana an mapakulog kan saiyang payo asin mapahiling nin daeng respeto o paggalang.
Iyan matapos, mairido an padre de pamilyang si Joseph Palomar, nin huli man sana sa kagigibuhan kan saiyang aki na si Roberto Palomar, edad 30.
Sa report kan PNP Naga, alas 7 nin banggi kasubanggi kan magkaigwa nin mainit na diskusyunan an magama nin huli sa dae pa maaramang rason. Ini nauli sa pangungulog kan aking si Roberto sa saiyang Ama.
Nagsapo nin manlaen-laen na rungas asin lugad sa saiyang lawas si Joseph matapos pagparapukpukon asin rapaduhon nin matagas na bagay.
Marhay na sanang napaagi an police na si PO1 Capin na tulos nagsitar asin nagdakop sa suspek.
Nin huli sa grabeng kaanggutan halos, dae pa nag-untok sa saiyang pag-ngungurob-ngurob magin sa hipatura kan pulis si Roberto.
Napagaraman pa na antes paman kan nangyaring insidente kasubanggi, enot ng ipigreklamo si Roberto kan ama na si Joseph kan siya lapagon kaini nin sundang perang semana na an nakakaagi.
Dagdag na bareta sa lado lokal ako an saindong RadyoMaN Paul Santos TATAK RMN!

Facebook Comments