Sigma, Capiz – Ginbawian sang kabuhi ang isa ka senior citizen matapos aksidente nga mabungguan sang isa ka salakyan sa Barangay Poblacion Sur, Sigma, Capiz. Ginkilala ang biktima nga si Adelina Gumugda, 67-anyos kag residente sang Barangay Tugas, Mambusao, Capiz.
Sa inisyal nga imbestigasyon sang Sigma PNP, hinali nga nagtabok sa dalan ang biktima rasun nga nabugguan sang salakyan nga Toyota vios nga ginamaneho sang driver nga si Jing Bolivar, 39-anyos kag residente sang Barangay Rumagayray, San Enrique, Iloilo.
Bangud sang mabaskog nga pagkabunggo sa biktima, ini ang ginbawian sang kabuhi. Gindala pa sa Dao District Hospital ang biktima apang gindeklarar ini nga dead on arrival.
*(photo from web)*
Facebook Comments
