Gitabangan sa dxCC-RMN Cagayan de Oro ang usa ka ginang nga dunay sakit Tuberculosis o TB ug goiter.
Kini human midangop sa sibyahan si Mercilita Fabria, 47 anyos, taga Macanhan, Barangay Carmen ning syudad.
Atol sa programang Straight to the Point-Kuskos Batikos ni RadyoMaN Zaldy Ocon karong buntag gidawat ni Fabria ang 3,400 pesos nga tabang pinansyal.
Gawas sa tabang pinansyal, gihatud sa dxCC sa JR Borja Memorial Hospital ang maong ginang aron mapa-check-up sa iyang mga gibating sakit.
Tungod niini, mipasalamat si Fabria sa dxCC-RMN Cagayan de Oro samtang dako usab ang pasalamat sa dxCC ngadto sa mga nihatag tabang pinansyal.
Kini naglakip na sa mga nihatag og tres mil pesos nga wala magpa-ila, 200 pesos gikan kang Joy Valenzuela nga taga Barangay Bulua ning syudad ug 200 pesos gikan sa usa ka taxi driver.
