Dako ang pasalamat sa usa ka lolo ngadto sa dxCC-RMN Cagayan de Oro.
Kini human natabangan sa iyang hangyo nga makahulam og sakyanan alang sa lubong sa iyang apo nga si Mahr Shiela Pamintawan, 19 anyos nga taga Barangay Mambuaya nga namatay tungod sa iyang sakit sa kidney.
Matud ni lolo Emeliano Libosoda, 76 anyos nga taga Baloy, Barangay Tablon nga ang iyang apo ilubong sa City Public Cemetery sa Bolonsiri, Barangay Camaman-an ning syudad karong Mayo 16 ning tuiga alas otso sa buntag.
Dali usab nga nipasalig si Barangay Assistance Center Officer in-charge Camille Tagotongan nga motabang sila sa pamilya pinaagi sa pagpadala og sakyanan alang sa maong lubong.
Nasulbad ang problema ni Lolo Libosoda atol sa Programang Kuskos Batikos 2nd Edition ni RadyoMaN Zaldy Ocon.
Giubanan pa sa taga dxCC-RMN Cagayan de Oro pinaagi ni RadyoMaN Jonathan Bullo si Lolo Libosoda sa buhatan sa BAC.
