Patay ang isa ka babayi nga aktibista matapos ginluthang sa Sta. Maria Street, Eroreco Subdivision, Brgy. Mandalagan syudad sang Bacolod pasado las sies subong nga gab-i, Agosto 17.
Ginkilala ang biktima kay Zara Alvarez, 39 anyos sang syudad sang Cadiz kag ini ang temporaryo nga naga-istar sa isa ka boarding house sa Eroreco Subdivision, Barangay Mandalagan syudad sang Bacolod.
Si Alvarez ang na preso sadto sa sulod sang duha ka tuig bilang isa ka rights defender kag sang maabswelto, ini ang nagbalik sa pag trabaho bilang paralegal kag research advocacy officer sang Negros Island Health Integrated Program (NIHIP).
Kapin sa lima naman ka lupok ang nabatian sang mga residente kag mga nakasaksi sa lugar.
Matapos ang krimen gilayon naman nga nagpalagyo ang suspek nga gunman padulong sa Norte nga direksyon sang lugar kun sa diin may isa ka motorsiklo nga nagahulat nga ginsakyan sang gunman.
Sa karon padayon pa nga gina usisa sang mga kapulisan ang pinaka motibo kag ang suspek sang krimen.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
