Aktibong pulis arestado sa droga

Davao City – Nadakpan sa joint entrapment operation sa PDEA-XI, DCPO, ug NBI-XI alas 10:45 sa gabii (May 18, 2020) sa Jaza 1, Km. 13, Panacan, syudad sa Davao ang usa ka aktibong police ug civilian.

Base sa report gikan sa PDEA-XI gi-ila ang mga dinakpan sila si P/SSg. Mark Palma, 32 anyos, na-assign sa Davao City Police Office ug residente sa Skyline Village, Catalunan Grande, ug Rodnie Tamayo, 33 anyos, nagpuyo sa Km. 13, Panacan, ning dakbayan.

Nakuha gikan sa mga suspek ang 7 ka paketeng shabu nga motimbang og 15 gramos nga dunay street value P225,000, lakip ang illegal drugs paraphernalia, boodle money ug usa ka unit sa 9mm caliber glock pistol nga dunay mga bala.


Ang duha ka dinakpan balhug na NBI-XI ug mag-atubang sa kasong kalapasan sa RA 9165 (Comprehensive Dangerous Drugs Act of 2002) samtang dugang Criminal Liability for Government of Officials and Employees kang Palma.

RadyoMaN Don Pulayao

Facebook Comments