Gipanghimakak ni Misamis Oriental Vice Governor Zigzag Pelaez ang akusasyon ni kanhi Board member Prexey Elipe nga siya ang utok sa pagpangampanya niadtong milabayng election aron mawala ang MisOr Cares program sa kapitolyo.
Matud ni Vice Gov. Pelaez nga ang tinuod nga hinungdan nganong gihunong kini mao ang Universal Health Care Law nga gipirmahan ni Pres. Rodrigo Duterte.
Gikabutyag nga kung magpadayon ang maong programa, maghatag kinig duplication sa UHC law program nga alang sa tibuok Pilipinas nga mao lamang ang angayang sundon ug ipatuman.
Dugang pa ni Vice Gov. Pelaez nga pamulitika na ang pahayag ni Elipe, tungod kay nangita lamang kini og tawong mabasol sa pagkahunong sa operasyon karon sa MisOr Cares.
Giklaro usab sa bise gobernador nga wala silay tinguha ni Board Member Jessa Mugot nga walaon ang programang Mis.Or.Care sa kapitolyo probinsyal.
Gani, aprobado na ang MisOr Cares annual budget sa 2019 hangtod sa Disyembre ug dili usab mahitabong mawala kini kay majority sa mga board member sa konseho, ang ubos sa Padayong Pilipino.
Giklaro usab ni Pelaez nga ang iyang gikampanya sa milabayng piliay mao ang pagpatuman sa philhealth program, tungod kay ang Mis.Or.Care nga programa alang lamang sa mga provincial district hospital ug dili magamit sa mga pribadong hospital.
Nasayran nga tumong lamang ni Vice Gov.Pelaez nga adunay mahatag nga philhealth card sa katawhan sa lalawigan aron nga kung adunay magamit nga Mis Or care sa mga district hospital, aduna usab magamit nga philhealth card sa mga pribadong hospital.
