SAN CARLOS CITY, NEGROS OCCIDENTAL – Nadakpan sang mga pulis ang duha ka miembro sang notorious nga “akyat bahay” sa ciudad sang San Carlos.
Nakilala ang mga suspek nga sanday Michael Lawa, legal ang edad, pumuluyo sang Endrina St., Brgy. 5, San Carlos City kag si Joebert Estemada, legal ang edad kag residente naman sang Phase 1, Fatima Village, Brgy. Rizal sang amo man nga ciudad.
Base sa imbestigasyon sang San Carlos City Police station, ginsulod sang amo nga mga suspek ang balay sang isa ka maestra sa Margarita Village, Brgy. 2, San Carlos City.
Buot kuntani nga kuhaon sang mga suspek ang 2 ka flat screen nga TV, subwoofer kag DVD player.
Apang bangud sang madasig nga pag responde sang mga pulis, nadakpan sa akto ang mga suspek nga buot na kuntani nga maghakwat sang ila kinawatan./dyHB BACOLOD
