Davao City – Hingpit na nanumpa atubangan kang Mayor Inday Sara Duterte-Carpio si outgoing Majority Floor Leader Councilor Bernard Al-ag nga gisip bag-ong Bise Mayor nga gipahigayon sa City Mayor’s Office karong lang hapon.
Misaksi sa oath taking ni Vice Mayor Al-ag ang iyahang tibuok pamilya ug mga kabanay isip suporta sa bag-ong katungdanan nga gihawiran sa kanhi majority floor leader sa konseho.
Gihulipan ni Al-ag si kanhi Vice Mayor Paolo Pulong Duterte human gidawat ni Presidente Rodrigo Dutertge ang resignation letter sa iyang anak miaging semana.
Gipasalig ni Al-ag ang iyang sento porsento nga suporta sa 10 agenda ni Mayor Inday Sara pinaagi sa pagtagad ug pagpasar sa mga ordinansa nga magsuporta sa mga programa sa inahan sa syudad.
Walay plano ang kanhing konsehal nga magpatuman og kausaban sulod sa konseho ug kung unsa man ang mga palisiya na-implementar sa panahon ni Pulong mao ra usab ang iyang ipasunod.
Kahinumduman, mikanaog sa puwesto si Former Vice Mayor Paolo Pulong Duterte sa kasagsagan sa special session sa konseho niadtong Disyembre 25 sa nakalabay’ng tuig gumikan sa mga isyu nga gihapak kaniya.
RadyoMaN Joel Viray
