Albani: Marijuana plantation sites anaa sa mga bukirang bahin sa rehiyon

52

Davao City- Base sa datos sa Philippine Drug Enforcement Agency (PDEA) XI, walay natala nga shabu laboratory dinhi sa rehiyon onse apan adunay pipila ka mga marijuana plantation sites sa bukid nga bahin sa Davao Region.
Kini ang gikumpirma ni PDEA XI regional director Adzhar Albani subay sa pakighinabi sa DXDC RMN Davao.
Sumala ni Albani, nagpadayong problema sa PDEA ang mga marijuana plantation sites tungod anaa kini sa bukid nga bahin sa rehiyon diin lisud sutaon sa PDEA sanglit sagad niini area man sa mga rebeldeng New People’s Army (NPA).

Dugang ni Albani, walay mga dagkong tawong nagpaluyo sa pagpananom og marijuana sa mga bukid apan posibleng dunay mga lumad nga nananom niini apil ang uban pang mga indibidwal hilabi pa nga dali lang mutubo ang marijuana.

Kasamang Merle Comidoy


Facebook Comments