Roxas City, Capiz – Ginapadeklarar sang Department of Trade and Industry(DTI) nga mangin ‘basic necessities’ ang alcohol, hand sanitizers kag Personal Protective Equipment(PPEs) labi na subong nga COVID-19 pandemic.
Suno sa DTI, kinahanglan nga maamyendahan ang Republic Act No. 7581 okun ang Price Act nga ginpirmahan sadtong Mayo 1992 kag nangin epektibo sadtong Hunyo 1992.
Paathag ni DTI Undersecretary Ruth Castelo, importante nga malakip ang mga ini sa basic necessities labi na subong nga panahon sang pandemic.
Sa idalom sang proposal sang DTI, mahatag ang mandato sa National Price Coordinating Council (NPCC) kun sa diin tugotan nga sila ang maglakip sa listahan sang mga basic necessities.
I web photo
Facebook Comments
