Weather Update! LPA, dako ang posibilidad nga mamahimong Bagyo

82
PC: CDRRMD / PAG-ASA

5:35 AM 15 SEP2020


Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 225 km Kasadpan Amihanang-kasadpan(West Nortwest) nga bahin sa Catarman, Northern Samar ganihang 3:00 sa buntag. Ang LPA posibling motabok sa Southern Luzon – Northern Visayas area. Kini DAKO ang posibilidad nga mamahimong Bagyo karong Miyerkules (16 September) o Huwebes (17 September) ug nganlang Bagyong (Tropical Depression) “LEON”.

 

Ang tibuok Mindanao nagpabiling apektado sa LPA ug tungod niini makasinati sa madag-umon nga kalangitan inubanan sa katag-katag nga pag ulan, kilat ug pagpanalugdog.

 

Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.

 

Nagpabiling mapanganuron ang Cagayan de Oro karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Mapanganuron sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).




 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments