Gipanghimakak ni SPO4 Noel Oclarit ang alegasyon ni Atty. Elly Pamatong nga planted ang mga ebidensya nga na recover atol sa gipahigayong search sa iyang panimalay.
Matud ni SPO4 Oclarit nga testigo sa maong pag search ang mga sakop sa media ug mga barangay officials.
Dugang pa nga gipanghimakak usab niini nga nakuha sa ilang grupo ang 25,000 US dollar nga kwarta ni Atty. Pamatong.
Gihimo ni SPO4 Oclarit ang maong pahayag human nga hingpit na nga gipasakaan sa kaso si Atty. Pamatong nga mao ang kalapasan sa Republic Act 9516 o illegal possession explosive, Republic Act 10591 o illegal possession of fire arms, Republic Act 8491 o ang pagbaliktad sa Philippine flag ug Article 177 kalabot sa mga narecover nga mga uniporme.
Nasayran nga aduna nay kapin usa ka libo nga sakop ang United States Allied Freedom Fighters of the East o USAFFE dinhi sa Cagayan de Oro.
By: Kasamang Joanna Ricote
