Dili binuhatan sa Armadong Kusug sa Pilipinas nga mobanhig ug mopatay sa mga sibilyan ilabina sa mga opisyal sa goberno.
Kini ang tubag ni BGen. Andy Centino, brigade commander sa 401st Brigade Phil. Army human mipasangil si Ka Omar Ibarra, ang spokesman sa Western Agusan del Norte-Agusan del Sur Sub-regional Command sa rebelding New Peoples’ Army (NPA), nga matud pa ang 26th IB Phil. Army maoy nibanhig ni SB Member Franklin Mandumotan didto sa brgy. San Pedro, San Luis, Agusan del Sur.
Sa maong insidenti, patay ang asawa niini nga si Susan Mandumotan ug laing usa ka Tata Morales samtang si SB Member Mandumotan ang luwas na nga gitambalan sa Hospital.
Dugang pa ni BGen. Centino nga mismo si SB Member Mandumotan ang makasulti nga ang NPA maoy nag-ambush kaniya human nakadawat na siya ug mga hulga sa kinabuhi gikan sa maong grupo sa wala pa ang maong insidenti.
[image: ambush san luis 3.jpg]
