Gimandoan sa Regional Wages and Productivity Board kon RTWPB ang ALU-TUCP nga mag-file sila sa ilang “position papers” aron ilang i-justify ngano nga ilang pangayoon ang wage increase sa region 10 sa kantidad nga 782 pesos kada adlaw across the board.
Matud ni Nicandro Borja, Regional Operation Director sa ALU-TUCP nga si Alu-TUCP Regional Legal Counsel Atty. Jay Albarese ang nag-andam na sa ilang position papers aron tubagon ang mando sa Regional Wage Board.
Gibutyag ni Borja nga gusto sa 7 man members sa Regional Wage Board sa region 10 kon nganong dili dapat i-dismiss ang ilang Petition for Wage Increase sa ALU.
Niadtong bulan sa April 2019 ang ALU-TUCP nag-file sa Regional Wage Board sa Petition for Wage Increase sa kantidad nga 782 pesos kada adlaw across the Board, silbing dugang suweldo sa mga empleyado sa Private sector sa Region 10 nga nagdawat lamang sa minimum wages nga 365 pesos kada adlaw across the Board.
“Kon ma-approve ang among petition, mahimong P1,147.00 kada adlaw ang atong suweldo dinhi sa Region 10” matud ni Borja.
Si Borja nga miyembro sa Regional Wage Board, nagbaton sa dakong kabalaka nga hayan i-dismiss sa Regional Wage Board ang Petition for wage Increase sa ALU.
Kini human gibasura sa Regional Wage Board sa National Capital Region kon NCT ang ilang Petition for Wage Increase didto sa Metro Manila.
Matud ni Borja nga gibutyag sa Regional Wage Board didto sa NCR nga walay “supervening conditions” sa lakaw sa Ekonomiya aron ilang ihatag ang Petition sa ALU sa Metro Manila for wage increase.
Gibutyag ni Borja nga sa oras nga i-dismiss sa Wage Board sa Region 10 ang Wage Increase Petition sa Alu sa Northern Mindanao iya kining babagan.
“I Will support our Wage Increase Petition even i am a member of wage board because, klaro kayo nga naay supervening Condition sa atong economic situations kay misaka baya ang presyo sa mga palaliton” matud ni Borja.
Gipasabot ni Borja nga sa gi-andam nga position papers ni Atty. Albarese iyang gipasabot ang Regional Wage Board nga naay dakong supervening Condition sa lakaw sa ekonomiya tungod sa sunod-sunod nga pagsaka sa presyo sa mga nag-unang palaliton.
