Bukidnon – Nanawagan ang Associated Labor Unions-Trade Union Congress of the Philippines (ALU-TUCP) Region 10 sa mga employer nga sundon ang gipatuman sa DOLE-Regional Tripartite Wages and Productivity Board X nga bag-ong minimum wage epekto kaniadtong Dominggo, Hunyo 16, 2017.
Base sa wage order no. 19 sa DOLE-RTWP Board X nga sa wage category 1 mahimo nang 338 ang minimum wage rate sugod sa Hulyo 16 gikan sa 318 alang sa non-agriculture samtang 326 sa agriculture gikan sa 306.
Sa wage category 2 diin apil dinhi ang mga siyudad sa Malaybalay, Valencia, mga lungsod sa Maramag, Quezon ug Manolo Fortich mahimo nang 331 ang minimum wage rate sugod sa Hulyo 16 gikan sa 313 alang sa non-agriculture samtang 319 sa agriculture gikan sa 301.
Sa interview sa RMN Malaybalay ngadto kang Nicardo Borja, regional vice chairman sa ALU-TUCP 10 gibutyag niini nga ang minimum wage nga gipatuman kulang kaayo dugangan pa sa mga employer nga wala nituman niini.
Gihangyo usab ni Borja ang Department of Labor and Employment kon DOLE nga maghimo ug inspection sa mga kompanya aron masuta kung kinsang mga employer ang wala nituman sa balaud.
Dungan ninii nag-aghat ni Borja ang mga trabahante nga makighiusa aron madunggan sa gobyerno ang mga panawagan.
****
