Dili magpaulahi ang Alliance Labor Union – Trade Congress Union Congress of the Philippines kon ALU-TUCP sa pag-apil sa lihok protesta ugmang adlawa atol sa ika 115 ka tuig nga anibersaryo sa Labor day.
Mao kini ang gibutyag ni Wildon Barros ang Spokesman sa Kilusang Mayo Uno sa Northern Mindanao.
Matud ni Barros nga mga alas nuebe ang takna ugma sa buntag ang KMU ug ALU uban sa la-in la-ing sector magtagbo sa Kiosko sa Divisoria aron ilang ilunsad ang ilang usa ka dakong programa.
Gibutyag usab ni Barros nga alas tres sa hapon ugmang adlawa ilang ilunsad ang usa ka lihok protesta ug ilang sunogon ang Effigy ni Presidente Duterte aron pagkondinar sa wala matuman nga saad sa presidente sa pagtapos sa ENDO sa nasud.
Lakip sa i-protesta sa labor group ang Train law ni President Duterte.
Matud ni Barros nga tungod sa Train Law, mimahal ang presyo sa mga palaliton samtang gilansang sa ubos nga suweldo ang suholan sa mga trabahante.
-o0o-
By: RadyoMaN Nitz Arancon
