BACOLOD CITY – Ginabulubanta nagdangat sa kapin P240 mil pesos ang balor sang suspected shabu nga na recover halin sa 2 ka mga suspek sa ginpatigayon nga drug buy bust operation kaina sang kaagahon sa Brgy. 1, Bacolod City.
Ginkilala ang mga suspek nga sanday Ronis Algaroba, Alyas Kumpol kag Noel Jason, lunsay may legal ang edad.
Sa buybust operation nga ginpatigayon sang Police Station 2 may mga la 1:30 kaina sang kaagahon sa Purok Lison, Brgy. 1, ciudad sang Bacolod natigayon nga madakpan ang duha kag nakuha sa ila ang 37 tanan ka sachet sang suspected shabu.
Lakip sa nakuha sa mga suspek ang isa ka .38 calibre nga revolver, isa ka .22 caliber revolver, buybust item kag marked money.
Ginpahayag nga ang na confiscate nga suspected illegal drugs ang ginabulubanta nagabug-at sang kapin 20 ka gramos kag may estimated value nga P240 mil pesos./dyHB BACOLOD
