General Santos City—Nadala sa Dr. Jorge Royeca Hospital ang usa Welfredo Bomeo, 47 anyos, residenti sa Purok Ilang-ilang, Barangay Suli, Kiamba, Sarangani Province human naigo ug bala sa kalibre 45 nga armas.
Sa tala sa hospital nga gidad-an sa biktima, nasuta nga naghimo sa ilang balay ang nasampit uban sa iyang 8 anyos nga anak .
Samtang siya busy sa pagpanday sa gihimong balay, nakakita ang iyang anak ug buhing bala sa kalibre 45 nga pistola.
Gidokdok matud pa sa bata ang bala gamit ang kahoy apan kalit kining mibuto nga miigo sa walang tiil sa iyang amahan.
Dali nga gidala sa ospital ang biktima aron nga matambalanan ang samad nga naangkon niini.
Facebook Comments
