Patay ang usa ka amahan human gidunggab ug gitigbas sa iyang anak pasado alas singko sa hapon kagahapon sa Barangay Kimaya, Villanueva, Misamis Oriental.
Si Villanueva Police Investigator, Master Sargent Silmer Daconlay, mipa-ila sa biktima nga si Meliton Aquiman, 63 anyos samtang ang iyang anak nga suspect mao si Masky Aquiman, 23 anyos.
Matud ni Vic Serilla nga Non Uniform Personnel kon NUP sa Villanueva Police Station nga sigon sa Investigation ni Daconlay nagbutyag nga si Meliton gidunggab ug gitigbas og sundang sa iyang anak nga si Masky nga maoy naghatud sa iyang kamatayon.
Gibutyag ni Serilla nga na-igo ang tiyan sa pagdunggab ug gitigbas pa sa suspect ang abaga maong patay on the spot ang biktima.
Matud ni Serilla nga si Masky gikan sa ilang farm ug sa iyang pag-uli sa ilang balay sa barangay Kimaya, iyang nakit-an nga hubog ang iyang amahan.
Gibutyag ni Serilla nga unang gisumbag sa dagway sa iyang papa ang iyang inahan nga si Dolly.
Matud ni Serilla nga gawas sa mama sa suspect gitulod pa sa iyang hubog nga papa ang iyang manghud nga babaye busa milagpot ang iyang pag-umangkon nga gigunitan sa iyang babayeng manghud.
Gibutyag ni Serilla nga mi-angkon ang maong suspect sa iyang salaod nga naka-detain sa Villanueva Police Station.
Ang problema matud ni Serilla nga walay sakop sa pamilya sa maong suspect ang nag-interest nga mopasaka sa kaso.
Apan matud ni Serilla nga walay complainant apan ila gihapon nga ipasaka sa Misamis Oriental Provincial Police Office ang kasong Parracide batok sa maong suspect.
