Giangkon sa amahan nga si Guilbert Llanora, hingkod ang edad, janitor sa simbahan ug gisaligan sa yuta sa mga Baconguez sa Barangay Agusan ning syudad nga iyang gilugos ang iyang anak.
Matud ni Llanora, nga natintal lang siya sa paghimo niini ilabina nga sila lang duha sa iyang anak sa balay ug mag-ilis usab kini sa iyang atubangan.
Dugang pa sa suspek nga duha ka tuig na silang bulag sa iyang live-in partner kinsa atua sa gawas sa nasud nanarbaho busa ang iyang anak ang iyang nakalingawan.
Nasayrang duha ang anak nga babae sa suspek apan ang usa ang tua sa Naawan ug wala niya mahilabti.
Samtang, giangkon ni Guilbert Llanora nga otso anyos pa ang iyang anak dihang gisugdan niya kini og hilabot.
Giangon usab niining kadaghan na niyang gihilabtan ang iyang anak ug ang ulahing hilabot niini, niadtong adlawng Hwebes sa alas otso sa buntag.
Matud ni Llanora nga iyang gibasulan ang iyang gihimo apan nahitabo na ang angay mahitabo.
Samtang, moabot sa 50 ka higayong gihilabtan sa suspek nga si Guilbert Llanora ang iyang kaugalingong anak.
Kini ang gibutyag ni Police Captain Mario Mantala, ang Hepe sa Police Station 6 Puerto.
Matud ni Captain Mantala nga gisugdan sa suspek og hilabot ang iyang anak dihang otso anyos pa kini hangtud nga nag-edad na kini karon og 13 anyos.
Dugang pa ni Captain Mantala nga atol sa ilang gihimong hot pursuit operation nakumpiska sa posisyon ni Llanora ang calibre 357 magnum revolver, unom ka buhing bala, hand cap ug kolor brown nga wallet.
Nasayran nga nahilabtan pa sa suspek ang iyang anak bag-ohay lang kon three times a week.
Nasayran usab nga milayas ang biktima human nga gisigundahan og lugos sa iyang amahan kagabei, hinungdang gitawagan na sa bata ang iyang lola sa Misamis Oriental aron isumbong ang linuog nga binuhatan sa iyang amahan.
Mihimo pa og imbestigasyon ang kapolisan sa wala pa nila gidakop ang suspek.
Kini aron nga masayran kung unsa gyud katinuod ang maong report.
Matud ni Police Captain Mario Mantala ang hepe sa Puerto Polis, nga ilang nasayran nga gihulgang patyun sa amahan ang iyang anak kon dili kini mag-participate sa himoon niining pakighilawas.
Nasayran nga wala nagtuo ang mga silingan nga nabuhat kini sa suspek sa iyang anak tungod kay nagtrabaho kini sa usa ka simbahan.
Alayon niini, mag-atubang sa kasong multiple rape ug illegal position of fire arms ang nasangpit nga suspek.
