Davao City – Nibatig pagkadismaya ang pamilya sa estudyanteng 2nd year college nga nabanggaan niadtong milabay’ng adlaw sa Km 20 Crossing 20, Brgy Los Amigos, Tugbok District Davao City human nakagawas og nakapiyansa ang drayber sa pick-up nga si Joel Gamas Confesor kansang nakabangga sa biktima kagahapon Nobyembre 7, 2023.
Sa interview sa DXDC RMN Davao sa amahan sa biktima gisulti niya, napasaka naman ang kaso ngadto sa korte sa kasong Reckless Imprudence Resulting to Physical Injury apan nakapiyansa dayon ang drayber.
Segun pa niya, wala sila nagdahum nga nakagawas na ang drayber sa pickup ug gipasabot usab sa amahan gitrabaho man sa kapulisan ang ilang trabaho aron mapasaka ang maong kaso.
Sa pagkakaron lisod pa madawat sa amahan ang gidangatan sa iyang anak human kini nacomatose apan naobserbahan adunay improvement nga nagalihuk na ang tiil og dako ang pagsalig sa amahan nga maka survive ang iyang anak nga tagaan pa sa labaw’ng makagagahum og taas nga kinabuhi.
RadyoMaN Don Pulayao
Facebook Comments
