Davao City – Arestado ang usa ka amahan human sa alegasyong gi-rape niini ang kaugalingong anak.
Sa report sa Police Regional Office (PRO) XI, giila ang suspek nga si alyas Kaloy, 48 anyos nga taga San Miguel, Danao, Bohol apan nadakpan kini sa Purok 14, Brgy. Maniki, Kapalong, Davao Del Norte kaniadtong Hulyo 23, 2019, alas dose sa hapon.
Kauban ang Danao Municipal Police Station, Danao Bohol PRO 7, malampuson nga nadakpan ang suspetsado diin gisilbi kaniya ang Warrant of Arrest sa kasong Incestuous Rape.
Sa kasamtangan, ang nadakpang suspek temporaryong gikustodiya sa Kapalong ug ginahulat na lamang nga iturn-over sa Bohol.
Samtang nagbahad si PBGen. Marcelo C. Morales, Regional Director sa PRO-XI, nga padayon ang ilang manhunt operations sa mga wanted persons.
RadyoMaN Faith Dela Peña
