Amahan ug anak nga gapamaligya og binotelyang krudo, gipusil patay sa Misamis Oriental

Patay ang amahan ug anak niini human gipusil sa duha ka wala mailang mga lalaki.
Nahitabo ang insedente kagahapon sa Zone 12, Santa Cruz, Tagoloan, Misamis Oriental.
Ang amahang si Ricardo Daban, 57 anyos, naigo sa dughan nga maoy hinungdan sa iyang kamatayon.
Samtang, gipusil usab sa dughan, likod, talinga ug pantog ang anak niining si Erwin Daban, 26 anyos.
Nasayran nga nagnegosyo lamang sa binotelyang krudo ang mga biktima.
Sa karon padayon pang gisuta sa kapulisan sa Tagoloan ang motibo sa krimen.
By: RadyoMaN Annaliza Amontos-Reyes