Dali nga mi responde ang kapulisan sa Sindangan human kini naka dawat ug taho nga matod pa adunay nahitabong pagpangluba didto sa brgy. Titik, Sindangan, ZN.
Sa pagresponde sa kapulisan naila ang mga biktima nga sila si Wilson L. Payon, uban sa iyang duha ka anak nga si Jemuel E. Payon, 20, ulitawo, ug Jerson E. Payon, 19, ulitawo pulos molupyo sa nahisgutan nga dapit.
Sa nihimong imbistigasyon sa kapulisan, naila ang suspetsado nga si Marden Andapo Quimol, 43, menyo, residente usab sa nahisgutan nga lugar.
Dugang pa niini, samtang naglakaw ang mga biktima pauli sa ilang pinuy-anan, sa dihang hapit na kini maabot sa ilang panimalay ang gisugat kini sa suspek ug me atake kanila, dayong luba ngadto kang Wilson Payon nga mao ang Amahan nila ni Jemuel ug Jerson.
Nakaangkon ug ubay-ubay nga samad dinunggaban ang biktima nga maoy sulo sa iyang kamatayon. Human nga nakig asdang sa amahan ang suspek ge sunod niya pagluba ang anak nga si Jerson nga naigo sa tiyan, lakip na usab si Jemuel apan nakalikay kini sa pag atake.
Human sa maong panghitabo. Dali nga gidala ang biktima sa balay tambalanan alang sa hinanaling medikasyon.
Samtang ang suspek boluntaryong mi tahan sa iyang kaugalingon ngadto sa Special Forces, PA nga anaa sa brgy. Titik, Sindangan,ZN. Dali usab kining gidala sa Sindangan MPS aron mapasakaan ug tukmang kaso batok sa suspetsado.- MARK A. BACROYA
