Midulog sa RMN-DXCC ang amahan ug iyaan sa usa ka tuig nga bata, human kini mamatay sa JR Borja General Hospital kon City hospital, tungod sa hilanat ug ubo.
Matud sa iyaan sa bata nga si Jonafe Baluran nga taga Barra Opol, Misamis Oriental, nga pag-abot nila sa hospital, gibutangan kini og oxygen ug adunay tambal nga gisuksuk sa sampot sa bata aron nga moubos ang hilanat niini, apan pipila ka minuto ang milabay, mibula ang baba sa bata ug namatay.
Dugang pa ni Baluran nga walay gitumar nga tambal ang bata tungod kay dili na gane kini mo-dede sa iyang gatas ug dili na mokaon.
Nasayran nga ilang gikasakit ang gihimong pag-atiman sa mga staff sa city hospital sa bata tungod kay sama sa wala lamang kini nataranta, ilabi na niadtong nagbula na ang baba sa bata ug nawala ang pitik sa kasingkasing niini.
By: Kasamang Mishelle Mesias-Enloran
