General Santos City–Takda nang pasakaan ug kaso ang suspetysadong amahan nga itago lang sa pangalang Francis, 39 anyos, residenti sa Barangay Tinagacan, Gensan kansa suspek sa pagpanglugos sa 13 anyos niining anak.
Matud pa ni Police Captain Robert Fores, Hepe sa Tinagacan PNP, nadakpan ang suspek human misumbong sa ilang buhatan ang iyang anak uban sa ilang kabanay human nga iya kining gihilabtan.
Dugang pa ni Fores nga unang midangop ang biktima sa ilang silingan kansa mao usay nitabang sa biktima sa pagsumbong ngadto sa kapulisan.
Dugang pagbutyag ni Police Captain Fores nga basi sa saysay sa biktima, ayha ang election niadtong bulan sa Mayo, una siyang gihilabtan sa iyang amahan.
Sumala pa nga hubog ang nasampit dihang gihimo ang pag-among among ngadto kaniya. Tungod niini mahadlok na siya sa iyang amahan hilabi na kung kini mahubog tungod basin ug sublion niini ang iyang gihimo.
Samtang niadtong Myerkules sa gabie, subli syang gisuwayan ug lugos sa iyang amahan pinagi sa paghilam sa mga pribadong parti sa iyang kalawasan apan siya nakadagan ug nakapangayo ug tabang sa ilang mga silingan.
Gikumperma usab ni Police Captain Fores nga hubog ang suspek dihang gihimo niini ang ikaduhang pagpanglugos sa iyang anak.
Dihang nadawat sa Tinagacan PNP ang report, gilayong mirespondi ang kapulisan mao nga nasikop ang suspetsado. Kasong rape in relation to RA 9262 ang ipasang-at nga kaso sa kapulisan batok sa suspetsado.
